کینیڈا کی مشہور نیاگرا آبشار منجمد، سیاحوں کی بڑی تعداد دلکش نظارہ دیکھنے پہنچ گئی

خبر ایجنسی کے مطابق شدید سردی کی لہر کے باعث کینیڈا کی مشہور نیاگرا آبشار جزوی طور پر منجمد ہو گئی ہے۔ برف سے ڈھکی آبشار اور جمے ہوئے درختوں نے علاقے کو دلکش منظر میں بدل دیا، جسے دیکھنے کے لیے مقامی اور غیر ملکی سیاحوں کی بڑی تعداد وہاں پہنچ گئی۔

سیاحوں کا کہنا ہے کہ اگرچہ سردی کی شدت اپنی جگہ، مگر یہ قدرتی منظر موسمِ سرما کا ایک شاندار اور یادگار نظارہ ہے۔ حکام کے مطابق سرد موسم کے دوران حفاظتی ہدایات پر عمل کرتے ہوئے سیاحوں کو مخصوص مقامات تک رسائی دی جا رہی ہے۔