اسرائیل کے امریکا کو جنگ میں دھکیلنے کی بات مضحکہ خیز ہے: نیتن یاہو

اسرائیلی وزیراعظم بنجمن نیتن یاہو نے ان الزامات کو یکسر مسترد کر دیا ہے کہ اسرائیل امریکہ کو جنگ میں دھکیل رہا ہے۔ فاکس نیوز سے گفتگو کرتے ہوئے انہوں نے صدر ڈونلڈ ٹرمپ کو دنیا کا طاقتور ترین رہنما قرار دیا اور کہا کہ ٹرمپ وہی کرتے ہیں جو امریکہ کے مفاد میں ہو۔ نیتن یاہو نے ایران پر حالیہ حملوں کو ناگزیر قرار دیتے ہوئے دعویٰ کیا کہ تہران مہینوں کے اندر ناقابلِ تسخیر جوہری طاقت بننے والا تھا۔ ان کا کہنا تھا کہ اگر اب ایکشن نہ لیا جاتا تو مستقبل میں ایران کو روکنا ناممکن ہو جاتا، تاہم یہ جنگ طویل نہیں بلکہ “فوری اور فیصلہ کن” ہوگی۔