نیپرا کی سولر نیٹ میٹرنگ قواعد میں ترمیم، پرانے صارفین کیلئے سہولت برقرار

نیشنل الیکٹرک پاور ریگولیٹری اتھارٹی (نیپرا) نے سولر نیٹ میٹرنگ سے متعلق قواعد میں ترمیم کرتے ہوئے باقاعدہ نوٹیفکیشن جاری کر دیا ہے۔

نوٹیفکیشن کے مطابق پہلے سے موجود سولر نیٹ میٹرنگ صارفین کے معاہدوں میں کوئی تبدیلی نہیں کی جائے گی اور ان کے لائسنس اپنی مقررہ مدت تک برقرار رہیں گے۔ اتھارٹی نے واضح کیا ہے کہ ایسے صارفین کو سابقہ معاہدوں کے طریقہ کار کے تحت ہی بل بھیجا جائے گا۔

نیپرا کے مطابق اگر کوئی صارف اپنی سولر بجلی پیدا کرنے کی صلاحیت میں اضافہ یا کمی کرتا ہے تو اسے پہلے والا نرخ دستیاب نہیں ہوگا۔

نوٹیفکیشن میں کہا گیا ہے کہ سولر ریگولیشنز میں یہ ترمیم 9 فروری 2026 سے نافذ العمل ہوگی۔

واضح رہے کہ اس سے قبل نیپرا نیٹ میٹرنگ کے تحت یونٹ کے بدلے یونٹ کے نظام کو ختم کر چکا ہے، تاہم حکومت کی ہدایت پر پرانے صارفین کیلئے سابقہ پالیسی برقرار رکھنے کا فیصلہ کیا گیا ہے۔