پی سی بی کا نسیم شاہ کو شوکاز نوٹس، مریم نواز کے خلاف بیان پر وضاحت طلب

پاکستان کرکٹ بورڈ نے قومی کرکٹر نسیم شاہ کو متنازع بیان پر شوکاز نوٹس جاری کر دیا ہے۔

ذرائع کے مطابق یہ نوٹس پی سی بی کے تادیبی فریم ورک کے تحت جاری کیا گیا ہے، جس میں نسیم شاہ کو مقررہ وقت کے اندر اپنا جواب جمع کرانے کی ہدایت کی گئی ہے۔

بتایا گیا ہے کہ فاسٹ بولر نے پاکستان سپر لیگ کے افتتاحی میچ کے دوران ایک متنازع پیغام جاری کیا تھا، جس کے بعد بورڈ نے معاملے کا نوٹس لیا۔

پی سی بی حکام کا کہنا ہے کہ نسیم شاہ کا جواب موصول ہونے کے بعد قواعد و ضوابط کے مطابق مزید کارروائی کا فیصلہ کیا جائے گا۔

واضح رہے کہ نسیم شاہ پی سی بی کے مرکزی معاہدے کا حصہ ہیں اور معاہدے کے تحت کسی بھی کھلاڑی کو غیر ذمہ دارانہ بیان دینے کی اجازت نہیں ہوتی۔