دشمن کے خلاف سخت موقف اپنایا جائے، ایرانی سپریم لیڈر کی مسلح افواج کو نئی ہدایات

ایران کے سپریم لیڈرآیت اللہ مجتبیٰ خامنہ ای سے ایرانی مسلح افواج کی متحدہ کمانڈ کے سربراہ علی عبداللہی نے ملاقات کی۔ملاقات میں سپریم لیڈر نے فوجی کارروائیاں جاری رکھنے اور دشمنوں کے خلاف سخت مؤقف اپنانے کے لیے نئی ہدایات جاری کیں۔

ایرانی خبر رساں ایجنسی فارس کے مطابق خاتم الانبیاء سینٹرل ہیڈکوارٹر کے کمانڈر علی عبداللہی نے ملاقات کے دوران سپریم لیڈر کو مسلح افواج کی تیاریوں سے متعلق بریفنگ دی تاہم  رپورٹ میں یہ نہیں بتایا گیا کہ یہ ملاقات کب ہوئی۔

علی عبداللہی نے کہا کہ مسلح افواج امریکی اور صہیونی دشمنوں کی کسی بھی کارروائی کا مقابلہ کرنے کے لیے مکمل طور پر تیار ہیں۔

انہوں نے مزید کہا کہ اگر دشمن کی جانب سے کوئی غلطی کی گئی تو ایران کا جواب فوری، سخت اور فیصلہ کن ہوگا۔