ایران میں موجودہ حکومت کی تبدیلی ہمارا مشن ہے، سربراہ موساد

اسرائیلی خفیہ ایجنسی موساد کے سربراہ ڈیوڈ برنیا نے کہا ہے کہ ایران میں موساد کا مشن اس وقت تک مکمل نہیں ہوگا جب تک وہاں رجیم تبدیل نہیں ہو جاتی۔

اسرائیلی میڈیا کے مطابق  برنیا نے انکشاف کیاکہ حالیہ ایران جنگ کے دوران موساد نے تہران کے قلب میں کام کیا اور اسرائیلی فضائیہ کو درست انٹیلی جنس فراہم کی۔انہوں نے کہا کہ ہم نے ایسے میزائلوں کو نشانہ بنایا جو اسرائیل کے لیے خطرہ تھے۔

ڈیوڈ برنیا کا کہنا تھا کہ یہ مشن فوری طور پر ختم ہونے کے لیے نہیں تھا بلکہ اسے طویل مدت کے لیے منصوبہ بندی کے تحت جاری رکھا جائے گا تاکہ تہران میں حملوں کے بعد بھی نتائج حاصل کیے جا سکیں۔

انہوں نے مزید کہا کہ موساد کی ذمے داری اس وقت ختم ہوگی جب ایران کی موجودہ د حکومت تبدیل ہو جائے گی۔