فیلڈ مارشل نے اس بار ملک کیلئے نہیں بلکہ دنیا کیلئے کردکھایا: محسن نقوی

وفاقی وزیر داخلہ محسن نقوی نے امریکہ اور ایران کے درمیان طے پانے والے تاریخی امن معاہدے پر پاک فوج کے سربراہ جنرل سید عاصم منیر کی سفارتی و تزویراتی کوششوں کو زبردست الفاظ میں سراہا ہے۔ سوشل میڈیا پلیٹ فارم پر جاری اپنے ایک خصوصی پیغام میں وزیر داخلہ نے آرمی چیف کی تصویر شیئر کرتے ہوئے لکھا کہ انہوں نے ایک بار پھر اپنی صلاحیتوں کا لوہا منوایا ہے، اور اس بار یہ تاریخی کارنامہ صرف اپنے ملک کے لیے نہیں بلکہ پوری دنیا کے امن کے لیے سرانجام دیا ہے۔

واضح رہے کہ طویل سفارتی کوششوں کے بعد امریکہ اور ایران کے درمیان ایک جامع امن معاہدہ طے پا گیا ہے، جس کا باضابطہ اعلان وزیراعظم شہباز شریف نے کیا۔ وزیراعظم نے اپنے سوشل میڈیا بیان میں اس اہم پیشرفت کی تصدیق کرتے ہوئے بتایا کہ دونوں ممالک کے مابین امن معاہدے پر دستخط کی باضابطہ اور تاریخی تقریب 19 جون کو سوئٹزرلینڈ میں منعقد ہوگی، جس میں عالمی رہنما شرکت کریں گے۔ اس معاہدے کو خطے اور دنیا بھر میں استحکام اور معاشی بحالی کے لیے ایک بہت بڑا سنگ میل قرار دیا جا رہا ہے۔