LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ پٹرول ایک روپیہ فی لٹر مہنگا، ڈیزل کی قیمت برقرار زرمبادلہ کے ذخائر میں 1.50 کروڑ ڈالر کا اضافہ ریکارڈ ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ سابق وفاقی وزیر چوہدری لیاقت عباس گھر میں مردہ حالت میں پائے گئے، موت مشکوک قرار قطر پاکستان میں جدید فائرنگ رینج تعمیر کرے گا، پولیس افسران کے تبادلے کا پروگرام بڑھانے پر اتفاق شہباز شریف کی آسیان سیکرٹری جنرل سے ملاقات، اقتصادی تعاون پر تبادلہ خیال پاکستان اور آسیان کے درمیان تجارت، سرمایہ کاری میں تعاون بڑھانے پر اتفاق پنجاب میں مریضوں کو 39 ارب 50 کروڑ روپے سے زائد کا مفت علاج فراہم پاکستانی روپے کے مقابلے میں ڈالر مزید 3 پیسے سستا ہوگیا کراچی کیلئے مزید 500 بسوں کی منظوری، ریلیوں کی اجازت نہیں دینگے: شرجیل میمن

بیرون ملک مقیم پاکستانیوں کو پاسپورٹ کا جلد اجراء اولین ترجیح ہے: محسن نقوی

Web Desk

25 March 2026

اسلام آباد: وفاقی وزیر داخلہ محسن نقوی اور وفاقی وزیر برائے سمندر پار پاکستانیز سالک حسین کی زیرِ صدارت ایک خصوصی اجلاس منعقد ہوا، جس میں بیرونِ ملک مقیم پاکستانیوں کو درپیش مسائل، بالخصوص پاسپورٹ کے جلد اجرا اور اسپین میں رہائشی سہولیات پر تفصیلی غور کیا گیا۔ اجلاس میں فیصلہ کیا گیا کہ اسپین میں غیر قانونی تارکینِ وطن کو قانونی حیثیت دینے کی اسکیم سے قبل، وہاں مقیم پاکستانیوں کو پاسپورٹ اور دیگر ضروری دستاویزات محض ایک ہفتے کے اندر جاری کی جائیں گی۔

وفاقی وزیر سالک حسین نے بتایا کہ اسپین کی اس نئی ریذیڈنٹ اسکیم سے تقریباً 15 ہزار پاکستانی مستفید ہوں گے۔ انہوں نے اس موقع پر وزیر داخلہ کا شکریہ ادا کیا جنہوں نے سمندر پار پاکستانیوں کی بھرپور سپورٹ کے لیے فوری اقدامات کی یقین دہانی کرائی۔ محسن نقوی نے واضح کیا کہ بیرونِ ملک مقیم پاکستانیوں کو پاسپورٹ کا جلد اجرا حکومت کی اولین ترجیح ہے، تاہم انہوں نے سخت ہدایت کی کہ کسی بھی مجرم یا مطلوب ملزم کو پاسپورٹ جاری نہ کیا جائے۔

اجلاس کے دوران نیشنل پولیس بیورو کی جانب سے کریکٹر سرٹیفکیٹ کی تصدیق کے عمل کو بھی سہل اور تیز بنانے کا اعلان کیا گیا۔ اسپین میں پاکستان کے سفیر ڈاکٹر ظہور احمد اور بارسلونا کے قونصل جنرل نے بریفنگ دیتے ہوئے بتایا کہ پولیس کریکٹر سرٹیفکیٹ اب ترجیحی بنیادوں پر جاری کیے جا رہے ہیں۔ وزیر داخلہ نے سفارت خانے کے پاسپورٹ سیکشن کے لیے اضافی عملہ فوری طور پر فراہم کرنے کے احکامات بھی جاری کر دیے ہیں۔