محسن نقوی کی چینی سفارتخانے آمد، سکیورٹی تعاون کے تحفظ پر اہم فیصلے
Web Desk
27 March 2026
اسلام آباد: وفاقی وزیر داخلہ محسن نقوی نے ڈپلومیٹک انکلیو میں قائم چینی سفارت خانے کا اہم دورہ کیا، جہاں چینی سفیر جیانگ زیڈونگ نے ان کا پرتپاک استقبال کیا۔ اس ملاقات کا بنیادی محور پاکستان میں مقیم چینی شہریوں کی سیکیورٹی، انسدادِ دہشت گردی اور دوطرفہ اقتصادی تعاون کو مزید مستحکم بنانا تھا۔
ملاقات کے دوران دونوں رہنماؤں نے پولیس ایکسچینج پروگرام اور خطے کی مجموعی صورتحال پر تفصیلی تبادلہ خیال کیا۔ وزیر داخلہ نے ایک اہم پیش رفت کا اعلان کرتے ہوئے بتایا کہ اسلام آباد میں چینی باشندوں کے تحفظ کے لیے ایک سپیشل پروٹیکشن یونٹ (SPU) قائم کیا جا رہا ہے۔ اس یونٹ کی خاص بات یہ ہوگی کہ اہلکاروں کو پیشہ ورانہ تربیت کے ساتھ ساتھ چینی زبان بھی سکھائی جائے گی تاکہ چینی شہریوں اور سیکیورٹی فورسز کے درمیان رابطے کو مزید مؤثر اور سہل بنایا جا سکے۔
اقتصادی محاذ پر، چینی سرمایہ کاروں کے اعتماد کو بحال کرنے کے لیے ایک جامع بزنس کانفرنس منعقد کرنے کا فیصلہ کیا گیا ہے۔ یہ کانفرنس دو مرحلوں پر مشتمل ہوگی؛ پہلے مرحلے میں پاکستان میں موجود چینی بزنس کمیونٹی کے مسائل سنے جائیں گے، جبکہ دوسرے مرحلے میں نئے ممکنہ سرمایہ کاروں کو پاکستان لانے کے لیے اقدامات کیے جائیں گے۔ محسن نقوی نے یقین دلایا کہ چینی بھائیوں کا تحفظ حکومتِ پاکستان کی اولین ترجیح ہے اور اس مقصد کے لیے تمام وسائل بروئے کار لائے جائیں گے۔
متعلقہ عنوانات
کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ
19 November 2026
کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ
19 November 2026
پٹرول ایک روپیہ فی لٹر مہنگا، ڈیزل کی قیمت برقرار
19 November 2026
زرمبادلہ کے ذخائر میں 1.50 کروڑ ڈالر کا اضافہ ریکارڈ
19 November 2026
ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم
19 November 2026
صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا
19 November 2026
بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان
19 November 2026
حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ
19 November 2026