مشرقِ وسطیٰ میں جنگ کے باعث خام تیل کی قیمت 100 ڈالر سے تجاوز کر گئی

کراچی: مشرقِ وسطیٰ میں جاری کشیدگی اور جنگ کے اثرات کے باعث عالمی منڈی میں خام تیل کی قیمتیں بلند ترین سطح پر پہنچ گئی ہیں۔
رپورٹس کے مطابق، امریکا کی آبنائے ہرمز کھولنے میں ناکامی اور جاری تنازع کے سبب عالمی منڈی میں خام تیل کی فی بیرل قیمت 100 ڈالر سے بڑھ گئی ہے۔

برینٹ خام تیل میں تقریباً 17 فیصد اضافہ ہوا ہے اور یہ 108 ڈالر فی بیرل تک پہنچ گیا جبکہ امریکی خام تیل کی قیمت بھی تقریباً 19 فیصد بڑھ کر 108 ڈالر فی بیرل ہوگئی۔
ماہرین کا کہنا ہے کہ اگر مشرق وسطیٰ میں جنگ طویل ہو گئی تو تیل کی قیمت 120 ڈالر فی بیرل تک جا سکتی ہے۔