امریکی اخبار نے حملوں کے باوجود ایرانی حکومت کو مضبوط قرار دیدیا

امریکی اخبار کی ایک حالیہ رپورٹ میں انکشاف کیا گیا ہے کہ امریکہ اور اسرائیل کی جانب سے مسلسل فوجی اور تزویراتی کارروائیوں کے باوجود تہران حکومت کو کمزور نہیں کیا جا سکا ہے۔ رپورٹ کے مطابق ایران میں موجودہ نظام کے خلاف کسی بھی قسم کی عوامی بغاوت کے آثار نہیں ملے اور نہ ہی حکومتی عہدیداروں یا اعلیٰ حکام میں انحراف یا پارٹی چھوڑنے کی کوئی اطلاع سامنے آئی ہے، جس سے ثابت ہوتا ہے کہ اندرونی طور پر حکومت کا کنٹرول برقرار ہے۔ دوسری جانب، اقوامِ متحدہ کے ادارہ برائے مہاجرین (UNHCR) نے خطے کی صورتحال پر تشویش کا اظہار کرتے ہوئے بتایا ہے کہ جاری تنازعات کے نتیجے میں 3 لاکھ 30 ہزار سے زائد افراد بے گھر ہو چکے ہیں۔ یو این ایچ سی آر کے اعداد و شمار کے مطابق حالیہ کشیدگی کی وجہ سے صرف تہران سے ایک لاکھ افراد نقل مکانی کر چکے ہیں، جبکہ لبنان میں 84 ہزار افراد بے گھر ہوئے اور 30 ہزار سے زائد نے شام کا رخ کیا ہے۔ ادارے نے خبردار کیا ہے کہ اگر کشیدگی برقرار رہی تو انسانی بحران مزید سنگین ہو سکتا ہے