ٹرمپ نے ایرانی رجیم چینج کی کوشش ترک نہ کی تو تیسری عالمی جنگ ہوگی: روس

روس کے سابق صدر دیمتری میدودیف نے ایک تہلکہ خیز انٹرویو میں امریکہ کو خبردار کیا ہے کہ اگر ڈونلڈ ٹرمپ نے ایران میں “رجیم چینج” (حکومت بدلنے) کی پالیسی ترک نہ کی تو یقینی طور پر تیسری عالمی جنگ چھڑ جائے گی۔ میدودیف کا کہنا تھا کہ امریکی و اسرائیلی حملوں نے ایرانی قوم کو متحد کر دیا ہے اور اب تہران دگنی توانائی کے ساتھ ایٹمی ہتھیار حاصل کرنے کی کوشش کرے گا۔ انہوں نے مزید کہا کہ عالمی غلبے کی تڑپ میں امریکہ اور اس کے اتحادیوں نے اپنے ہی شہریوں کی زندگیوں کو داؤ پر لگا دیا ہے۔