لیبیامیں تارکین وطن کی کشتی کو حادثہ، 2بچوں سمیت 53 ہلاک

لیبیا کے ساحل کے قریب تارکین وطن کی کشتی ڈوبنے سے 2بچوں سمیت 53 افراد جان کی بازی ہارگئے۔

میڈیارپورٹس کے مطابق انٹرنیشل آرگنائزیشن آف مائیگریشن کا کہنا ہے کہ ڈوبنے والی کشتی میں 55 افراد سوار تھے۔ حادثہ لیبیاکے شمالی علاقے زواراکے ساحلی علاقے کے قریب پیش آیا۔ کشتی میں سوار نائیجیریاسے تعلق رکھنے والی2 خواتین کو بچالیاگیا

رواں ماہ کے آغاز میں ترکیہ کے ساحل کے قریب تارکین وطن کی ایک کشتی حادثے کا شکار ہو کر ڈوب گئی تھی، جس کے نتیجے میں  15 تارکین وطن ہلاک ہوگئے تھے۔