لاہورکےاسپتال میں دوران آپریشن ویڈیوبنانے پرایم ایس ،ایچ او ڈی  سمیت 7 ڈاکٹرز معطل

لاہور کے لیڈی ولنگڈن ہسپتال میں ڈاکٹرز کی جانب سے دوران آپریشن ویڈیو بنانے کا معاملہ ،حکومت پنجاب نے فرائض میں سنگین غفلت پر ایم ایس  ڈاکٹر فرح انعام اور ہیڈ آف گائنی ڈیپارٹمنٹ پروفیسر ڈاکٹر عظمیٰ حسین کو معطل کر دیا جبکہ پانچ پی جی آرز  ڈاکٹرز اور دو چارج نرسز کو معطل کر کے ہیڈکوارٹرز رپورٹ کرنے کا بھی حکم دے دیا گیا

ترجمان محکمہ صحت کے مطابق لیڈی ولنگڈن اسپتال کی نرسز  اقرا زاہد،  فوزیہ رشید اورباورچی حسیب الروف  کو پیڈا ایکٹ کے تحت کارروائی کرتے ہوئے معطلی کے بعد فرائض سے سبکدوش کر دیا گیا ہے۔ایک ڈبلیو ایم او ڈاکٹر اقرا حفیظ کی خدمات محکمہ پرائمری اینڈ سیکنڈری ہیلتھ کیئر کو واپس کردی گئی ہیں۔

صوبائی وزیر صحت خواجہ سلمان رفیق   کا کہنا ہے کہ اسپتالوں میں ایس او پیز کی خلاف ورزی کو کسی صورت برداشت نہیں کریں گے،لیڈی ولنگڈن اسپتال میں غفلت سامنے آنے پر فوری طور پر ذمہ داران کے خلاف ایکشن لیا گیا ہے۔