لیبیا کشتی حادثہ کیس، ملزم محمد طاہر کی ضمانت بعد از گرفتاری منظور

لاہور ہائیکورٹ نے لیبیا کشتی حادثہ کیس میں گرفتار ملزم محمد طاہر کی بعد از گرفتاری ضمانت 5 لاکھ روپے کے مچلکوں کے عوض منظور کر لی ہے۔ جسٹس امجد رفیق کی جانب سے جاری کردہ 10 صفحات پر مشتمل تحریری حکم نامے میں کہا گیا ہے کہ انسانی اسمگلنگ جیسے بین الاقوامی نوعیت کے جرائم میں صرف بینک اکاؤنٹ میں رقم کی منتقلی، محض شبہ یا قیاس آرائی جرم کا ثبوت نہیں بن سکتے۔ عدالت نے ایف آئی اے (FIA) کی ناقص تفتیش پر نکتہ چینی کرتے ہوئے قرار دیا کہ بین الاقوامی تعاون، واٹس ایپ چیٹس، کال ریکارڈز اور ڈیجیٹل شواہد کے بغیر کیسز نہیں چلائے جا سکتے۔ فیصلے میں انسانی اسمگلنگ کی روک تھام کے لیے مؤثر قوانین، جدید تفتیش اور اصلاحات کی ضرورت پر زور دیا گیا۔