ملک کا نظام تباہ ہو چکا، بلاول نے درست نشاندہی کی: سلمان اکرم راجہ
Web Desk
17 November 2026
پاکستان تحریک انصاف (پی ٹی آئی) کے سیکرٹری جنرل سلمان اکرم راجہ نے کہا ہے کہ ملک کا نظام تباہ ہو چکا ہے اور پیپلز پارٹی کے چیئرمین بلاول بھٹو زرداری نے اس حوالے سے درست نشاندہی کی ہے۔ اڈیالہ جیل کے باہر میڈیا سے گفتگو کرتے ہوئے سلمان اکرم راجہ کا کہنا تھا کہ جب وزیراعظم اپنے وزرا کو کنٹرول نہیں کر سکتے تو نظام کیسے چلے گا، جبکہ پی ٹی آئی کو نظرانداز کر کے اور بانی پی ٹی آئی کے سیاسی مطالبات کو مذاکرات کا حصہ بنائے بغیر آگے بڑھنا ممکن نہیں ہے۔ انہوں نے جمہوریت کی بحالی، آئین کی بالادستی اور عوام کے حقوق کے تحفظ کے لیے تمام سیاسی جماعتوں کے متحد ہونے کی ضرورت پر زور دیا۔ بانی پی ٹی آئی کی صحت کے حوالے سے گفتگو کرتے ہوئے سلمان اکرم راجہ نے مطالبہ کیا کہ 18 اگست 2026ء کے سپریم کورٹ کے حکم پر عمل درآمد کرتے ہوئے عمران خان کو ہسپتال منتقل کیا جائے، ان کی بہنوں کو آزاد اور غیر جانبدار میڈیکل بورڈ کے ہمراہ طبی معائنے میں شامل کیا جائے اور تمام ضروری ٹیسٹ کرائے جائیں تاکہ اصل حقائق قوم کے سامنے آ سکیں۔ سیکرٹری جنرل پی ٹی آئی نے مزید کہا کہ اگر حکومت کے بقول سب اچھا ہے تو انہیں ہسپتال منتقل کرنے سے گریز کیوں کیا جا رہا ہے، جبکہ عدالتی احکامات کے مطابق بانی پی ٹی آئی سے ملاقاتوں کے لیے مستقل نظام وضع کیا جائے کیونکہ ملاقاتوں کو حکومتی صوابدید سے مشروط کرنا قابلِ قبول نہیں ہوگا۔
متعلقہ عنوانات
ترک کمانڈر کی ایئر ہیڈ کوارٹرز آمد، پاک فضائیہ کی پیشہ ورانہ صلاحیتوں کی تعریف
17 November 2026
پٹرول مزید 3 روپے فی لٹر سستا، ڈیزل کی قیمت برقرار
17 November 2026
امریکا کی ایک بار پھر ایران کے جزیرے قشم پر بمباری، فضائی دفاعی نظام نشانے پر
17 November 2026
پشاور ہائیکورٹ کے گیٹ سے پی ٹی آئی کے 3 سابق صوبائی وزرا گرفتار
17 November 2026
اسحاق ڈار سے صدر عالمی ریسکیو کمیٹی کی ملاقات، انسانی ہمدردی کے امور پر تبادلہ خیال
17 November 2026
بلائنڈ کرکٹ ایشیا کپ: پاکستان نے بھارت کو ہرا کر فائنل میں جگہ بنالی
17 November 2026
بلاول بھٹو کی آج پریس کانفرنس میں تضاد اور دہرا معیار نظر آیا: عطا تارڑ
17 November 2026
بلاول بھٹو زرداری کا بیان حقیقت پسندانہ ہے، ریفرنڈم کا تجربہ ہمیشہ داغدار رہا ہے :ترجمان جے یو آئی ا
17 November 2026