جرمنی میں سابق شاہ ایران کے بیٹے رضاپہلوی پر کیچ اپ پھینک دی گئی

ایران کے سابق بادشاہ کے جلاوطن بیٹے رضا پہلوی پر جرمنی کے دارالحکومت برلن میں ایک شخص نے کیچ اپ پھینک دی۔

رپورٹس کے مطابق جمعرات کو ایک پریس کانفرنس کے اختتام کے بعد جب رضا شاہ سیکیورٹی کے ہمراہ اپنی گاڑی کی جانب جا رہے تھے تو ایک شخص نے ان کے قریب آ کر ان پر کیچ اپ  پھینکا جو ان کی گردن اور کندھوں پر جا گرا۔

پولیس نے فوری طور پر حملہ آور کو  حراست میں لے لیا جبکہ واقعے کے بعد رضا پہلوی اپنی گاڑی میں بیٹھ کر وہاں سے روانہ ہو گئے۔