کراچی کے ریلوے ٹریک پر دہشتگردی کا منصوبہ ناکام ، بھارتی نیٹ ورک پکڑا گیا

شہرِ قائد میں سی ٹی ڈی نے ریلوے ٹریک پر دہشت گردی کا بڑا منصوبہ ناکام بنا دیا۔

ڈی آئی جی سی ٹی ڈی کے مطابق ریلوے ٹریک اڑانے کی منصوبہ بندی کرنے والے ملزمان کے نیٹ ورک کو گرفتار کر لیا گیا ہے، جو ریلوے ٹریکس کو نقصان پہنچانے میں ملوث تھے۔انہوں نے دعویٰ کیا کہ کالعدم بی ایل اے اور بی ایل ایف کو بھارتی خفیہ ایجنسی “را” مالی معاونت فراہم کر رہی ہے، جبکہ گرفتار دہشت گرد تخریب کاری کی منصوبہ بندی کر رہے تھے۔ڈی آئی جی سی ٹی ڈی کا مزید کہنا تھا کہ سہولت کاروں کی شناخت بھی ہو چکی ہے اور دہشت گردوں کے نیٹ ورکس ہمسایہ ملک سے آپریٹ کیے جا رہے تھے۔