LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ پٹرول ایک روپیہ فی لٹر مہنگا، ڈیزل کی قیمت برقرار زرمبادلہ کے ذخائر میں 1.50 کروڑ ڈالر کا اضافہ ریکارڈ ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ سابق وفاقی وزیر چوہدری لیاقت عباس گھر میں مردہ حالت میں پائے گئے، موت مشکوک قرار قطر پاکستان میں جدید فائرنگ رینج تعمیر کرے گا، پولیس افسران کے تبادلے کا پروگرام بڑھانے پر اتفاق شہباز شریف کی آسیان سیکرٹری جنرل سے ملاقات، اقتصادی تعاون پر تبادلہ خیال پاکستان اور آسیان کے درمیان تجارت، سرمایہ کاری میں تعاون بڑھانے پر اتفاق پنجاب میں مریضوں کو 39 ارب 50 کروڑ روپے سے زائد کا مفت علاج فراہم پاکستانی روپے کے مقابلے میں ڈالر مزید 3 پیسے سستا ہوگیا کراچی کیلئے مزید 500 بسوں کی منظوری، ریلیوں کی اجازت نہیں دینگے: شرجیل میمن

ریاست ہمیں ملک کا حصہ تصور نہیں کر رہی، ‘فاٹا’ کے عوام کا حق دیا جائے، جنید اکبر کا قومی اسمبلی میں سخت خطاب

Web Desk

25 March 2026

اسلام آباد: قومی اسمبلی کے اجلاس کے دوران پاکستان تحریک انصاف کے رہنما جنید اکبر نے خیبرپختونخوا کے ساتھ ہونے والی مبینہ ناانصافیوں پر ریاست اور وفاقی حکومت کو کڑی تنقید کا نشانہ بنایا ہے۔ انہوں نے اپنے خطاب میں کہا کہ موجودہ ریاستی رویے سے ایسا تاثر مل رہا ہے جیسے خیبرپختونخوا کو ملک کا حصہ ہی تصور نہیں کیا جا رہا۔

جنید اکبر نے فاٹا (FATA) کے انضمام اور صوبائی حقوق پر بات کرتے ہوئے کہا کہ فاٹا کو ہمارے گلے میں تو ڈال دیا گیا لیکن وہاں کے عوام کا جو جائز حصہ بنتا ہے وہ تاحال فراہم نہیں کیا جا رہا۔ انہوں نے این ایف سی (NFC) ایوارڈ میں صوبے کے حصے کی کٹوتی پر احتجاج کرتے ہوئے کہا کہ ہمیں ایک فیصد دینے کی بات کی جا رہی ہے، جو ہمیں قبول نہیں۔

رکنِ اسمبلی نے ماضی کی پالیسیوں پر سوال اٹھاتے ہوئے الزام عائد کیا کہ جب پنجاب اور سندھ میں فیکٹریاں لگ رہی تھیں، اس وقت ہمارے ہاں جہادی بھرتی کیے جا رہے تھے۔ انہوں نے شکوہ کیا کہ خیبرپختونخوا کے عوام لاشیں اٹھا کر بھی اپنی حب الوطنی ثابت کر رہے ہیں، لیکن ان کی وفاداری پر پھر بھی سوال اٹھائے جاتے ہیں۔

جنید اکبر نے وفاقی وزیرِ داخلہ اور پارلیمنٹ کی بالادستی پر بھی بات کی اور کہا کہ پارلیمنٹ کو اعتماد میں لیے بغیر فیصلے کیے جا رہے ہیں۔ انہوں نے موجودہ حکومت اور اتحادیوں پر ملک کو لوٹنے کا الزام لگاتے ہوئے کہا کہ یہاں ووٹ دینے والا نہیں بلکہ ‘ووٹ گننے والا’ اہم ہوتا ہے۔ ان کے بقول، بدامنی کی وجہ سے صوبے سے سرمایہ کاری بھی ختم ہو چکی ہے۔