پاکستان میں جیٹ فیول کی قیمت میں 28روزکے دوران 5واں اضافہ،ایئرلائنز کے کرایےآسمان پر

ملک میں 28روزکے دوران جیٹ فیول کی قیمت میں پانچویں بار اضافہ کردیاگیا۔کمرشل طیاروں کےلیے جیٹ فیول کی قیمت 5روپے فی لٹراضافے کے بعد 476روپے 97پیسے کی نئی بلندترین سطح پر پہنچ گئی ہے۔ یکم مارچ سے اب تک جیٹ فیول کی فی لٹر قیمت میں 288 روپے کا ریکارڈ اضافہ ہوچکا ہے۔ یکم مارچ کو جیٹ فیول کی قیمت 188 روپے لٹر تھی

جیٹ فیول مہنگاہوتے ہی ایئرلائنز کے کرایے بھی آسمان پر پہنچ گئے ہیں۔کراچی سے لاہور اسلام آباد کے یکطرفہ کرائے میں 10 ہزار تک اضافہ ہوا ہے ،  یک طرفہ کرایہ 50 ہزار روپے سے تجاوز کرگیا۔

بین الاقوامی ٹکٹس بھی مزید مہنگے ہو گئے۔ مشرق وسطیٰ کے لیے یکطرفہ کرایوں میں 20 ہزار روپے تک مزید اضافہ ہواہے۔ دبئی ،دوحہ  اورسعودی عرب کیلیے اکنامی کلاس کا کرایہ 4 لاکھ روپے سے تجاوز کرگیا۔

پاکستان سے پیرس،  ٹورنٹواور مانچسٹر کی پروازوں کے کرائے بھی  بھی بڑھ گئے۔ اکنامی کلاس کا کرایہ ساڑھے سات لاکھ روپے سے بھی تجاوز کرگیا ۔