اسرائیل نئے مسلم ملک ’صومالی لینڈ‘ کو تسلیم کرنے والا پہلا ملک بن گیا

عالمی خبر رساں اداروں کے مطابق اسرائیل نے صومالی لینڈ کو باضابطہ طور پر تسلیم کر لیا ہے، جس پر دونوں ممالک کے رہنماؤں نے دستخط کیے۔ صومالی لینڈ کے صدر عبد الرحمان محمد عبداللہی اور اسرائیل کے وزیر اعظم نیتن یاہو نے اس پیش رفت کو تاریخی قرار دیا اور ٹیلی فونک رابطے میں خوشی کا اظہار کیا۔

نیتن یاہو نے صومالی لینڈ کے صدر کو اسرائیل کے سرکاری دورے کی دعوت دی اور امریکی صدر ڈونلڈ ٹرمپ کو صومالی لینڈ کی ابراہیم معاہدوں میں شمولیت کی خواہش سے آگاہ کرنے کا عندیہ دیا۔ صومالی لینڈ کے صدر نے بھی تعلقات معمول پر لانے اور ابراہیم معاہدوں میں شامل ہونے کے لیے آمادگی ظاہر کی، اسے دونوں ممالک کے درمیان اسٹریٹجک شراکت داری کا آغاز قرار دیا۔