ایرانی صدر کا جارح قوتوں کے خلاف مزاحمت جاری رکھنے کا اعلان

تہران: ایرانی صدر مسعود پزشکیان نے واضح کیا ہے کہ ایران جارحیت کے خلاف اس وقت تک اپنی مزاحمت جاری رکھے گا جب تک دشمن قوتوں کو اپنے اقدامات پر مکمل پچھتاوا نہ ہو۔

اپنے ایک اہم بیان میں صدر مسعود پزشکیان نے کہا کہ ایران تاریخی طور پر جنگ کا مخالف رہا ہے اور ہمیشہ علاقائی تنازعات سے گریز کا حامی رہا ہے، تاہم اپنی قوم کے حقوق، مفادات اور قومی سلامتی کا دفاع ہر قیمت پر یقینی بنایا جائے گا۔ انہوں نے زور دیا کہ ایران کسی بھی قسم کی جارحیت کے سامنے جھکنے کے بجائے پختہ عزم کے ساتھ ڈٹ کر مقابلہ کرنے کی صلاحیت رکھتا ہے۔

دوسری جانب، ایرانی سپریم نیشنل سیکیورٹی کونسل کے سیکریٹری محسن رضائی نے امریکہ کو خبردار کرتے ہوئے کہا کہ نئے ایرانی میزائل تجربات امریکہ کے لیے ایک واضح انتباہ ہیں۔ انہوں نے مزید کہا کہ ایران کے خلاف جاری معاشی جنگ کا جواب خلیج فارس میں بحری آمد و رفت کے لیے ممنوعہ زون (No-Go Zone) قائم کر کے دیا جائے گا تاکہ ملکی حقوق کا تحفظ ممکن ہو سکے۔