ایرانی وزیر خارجہ اور نیدرلینڈز کے ہم منصب کا رابطہ، دوطرفہ تعلقات پر گفتگو

ایرانی وزیر خارجہ عباس عراقچی اور نیدرلینڈز کے وزیر خارجہ ٹام بیرینڈسن کے درمیان ٹیلیفونک رابطہ ہوا ہے۔ ایرانی میڈیا کے مطابق، دونوں وزرائے خارجہ نے دوطرفہ تعلقات کی موجودہ صورتحال پر تفصیلی بات چیت کی، جبکہ علاقائی و سفارتی سطح پر ہونے والی حالیہ پیش رفت پر بھی تبادلہ خیال کیا گیا۔

علاوہ ازیں، ایرانی وزیر خارجہ نے مصری وزیر خارجہ بدر عبدالعاطی سے بھی ٹیلی فون پر گفتگو کی۔ اس رابطے کے دوران دونوں رہنماؤں نے مشرق وسطیٰ کی مجموعی صورتحال اور باہمی دلچسپی کے دیگر اہم امور پر مشاورت کی۔ ان سفارتی رابطوں کو خطے میں جاری کشیدگی اور بین الاقوامی تعلقات کے تناظر میں انتہائی اہمیت کا حامل قرار دیا جا رہا ہے۔