آبنائے ہرمز کے انتظام پر مکمل اختیارہے، ٹرمپ کی دھمکیوں کا جواب دینے کی ضرورت نہیں، ایرانی نائب صدر

ایران کے نائب صدر محمد رضا عارف نےکہا ہےکہ ایران آبنائے ہرمز کے انتظام پر مکمل اختیار رکھتا ہے اور اپنے حقوق مذاکرات کی میز پر یا میدان جنگ  میں حاصل کرےگا۔

ایرانی میڈیا کے مطابق پورٹس اینڈ میری ٹائم آرگنائزیشن کے دورے کے موقع پر نائب صدر نے امریکی صدر ٹرمپ کی حالیہ دھمکیوں کو مسترد کرتے ہوئے انہیں بیان بازی، جھوٹ اور  وہم  قرار دیا اورکہا کہ ان کا جواب دینے کی ضرورت نہیں۔

محمد رضا عارف نے زور دیا کہ ایران بیرونی دباؤ کے باوجود  آبنائے ہرمز پر اپنی خودمختاری کو نافذ کرنےکے عزم پر قائم ہے۔