ایران مشرق وسطیٰ میں امریکی سفارتخانوں کو نشانہ بنا رہا ہے،امریکی وزیر خارجہ مارکو روبیو

مشرق وسطیٰ میں ایران کی جانب سے امریکی سفارتخانوں کو نشانہ بنانے کا سلسلہ جاری ہے۔ دبئی میں امریکی قونصلیٹ سے متصل پارکنگ لاٹ میں ڈرون حملے کی اطلاعات موصول ہوئی ہیں۔ امریکی وزیر خارجہ مارکو روبیو نے بتایا کہ حملے میں کوئی جانی نقصان نہیں ہوا اور امریکی فوجیوں و شہریوں کی حفاظت اولین ترجیح ہے۔

رپورٹس کے مطابق خطے سے اب تک نو ہزار امریکی شہریوں کو محفوظ مقامات پر منتقل کیا جا چکا ہے اور مزید شہریوں کے انخلا کے لیے انتظامات جاری ہیں۔ علاقے میں موجود امریکی شہریوں کو اپنے متعلقہ سفارتخانوں سے رابطہ کرنے کی ہدایت کی گئی ہے۔

مارکو روبیو کا کہنا ہے کہ ایران کے جوہری اور بیلسٹک میزائلوں کو نشانہ بنانے کے اقدامات جاری ہیں اور ان کے تمام میزائل اور لانچنگ پلیٹ فارمز کو تباہ کیا جائے گا۔ امریکی حکام نے واضح کیا کہ ایران کو جوہری اور بیلسٹک میزائل بنانے کی اجازت نہیں دی جائے گی اور اس سلسلے میں مکمل کارروائی کی جا رہی ہے۔