ایران نے جوہری مواد سے متعلق امریکی اخبار کی رپورٹ کو گمراہ کن قرار دیا

ایران نے امریکی اخبار وال سٹریٹ جرنل کی جانب سے جوہری مواد سے متعلق شائع رپورٹ کو گمراہ کن قرار دیتے ہوئے اسے مسترد کر دیا ہے۔ ایرانی حکام کا موقف ہے کہ اخبار نے حقائق کو مسخ کیا، جبکہ تہران کی اصل تجاویز میں تمام محاذوں پر فوری جنگ بندی، دوبارہ حملوں سے تحفظ کی ضمانت اور تیل کی برآمدات سمیت تمام امریکی پابندیوں کے خاتمے کا مطالبہ شامل ہے۔ ایران نے یہ واضح کیا ہے کہ بحری ناکہ بندی ختم کرنے کے ساتھ ساتھ بیرون ملک منجمد تمام ایرانی اثاثوں کی بحالی بھی ان کے مطالبات کا لازمی حصہ ہے۔