قانون کے تحت آبنائے ہرمزکی نگرانی اوراختیارایران کے پاس ہے، سربراہ قومی سلامتی کمیشن

ایران کی قومی سلامتی کمیشن کے سربراہ ابراہیم عزیزی نے کہاہے کہ مجوزہ قانون کے تحت آبنائے ہرمز کی نگرانی اور اختیار ایرانی فوج کے پاس ہوگا۔

ایرانی سرکاری ٹی وی سے گفتگو کرتے ہوئے ابراہیم عزیزی نےکہا کہ ایران کی مسلح افواج پہلے ہی آبنائے ہرمز پر کنٹرول رکھتی ہیں اور دشمن جہازوں کی آمدورفت روکنے کی کوشش کر رہی ہیں۔

انہوں نے مزید کہا کہ مجوزہ قانون میں یہ بھی درج ہے کہ آبنائے ہرمز سے حاصل ہونے والی آمدن ایرانی کرنسی ریال میں وصول کی جائے گی۔