وزیراعظم شہبازشریف کی ہدایت پر ٹول پلازہ فیس میں سہ ماہی اضافہ معطل

وزیر اعظم کی ہدایات پر ٹول پلازہ فیس میں ہونے والا سہ ماہی اضافہ معطل کر دیا گیا۔وفاقی وزیر مواصلات عبدالعلیم خان نےٹول ٹیکس میں 5 اپریل سے ہونے والا اضافہ معطل کرنے کا اعلان کرتے ہوئے نیا نوٹیفکیشن جاری کر دیا جبکہ نیشنل ہائی وے اتھارٹی کا یکم اپریل کو جاری ہونے والا نوٹیفکیشن معطل کر دیا۔
عبدالعلیم خان کا کہنا تھا کہ موجودہ صورت حال میں شہریوں پرمزید بوجھ نہیں ڈالا جا سکتا، پٹرول و ڈیزل کی قیمتوں میں اضافے سے پہلے ہی مشکلات کا سامنا ہے، حالات مشکل ہیں۔  قوم مل کر اس صورتحال کا مقابلہ کر سکتی ہے۔