ڈیزل سستا، پٹرول کی قیمت میں 2 روپے 2 پیسے فی لٹر اضافہ کردیا گیا

حکومت نے بین الاقوامی مارکیٹ کے اتار چڑھاؤ کے پیشِ نظر ملک میں پٹرولیم مصنوعات کی قیمتوں میں ردوبدل کا نوٹیفکیشن جاری کر دیا ہے، جس کے تحت پٹرول کی قیمت میں معمولی اضافہ جبکہ ہائی سپیڈ ڈیزل کی قیمت میں کمی کی گئی ہے۔ وفاقی پٹرولیم ڈویژن کی جانب سے جاری کردہ اعلامیے کے مطابق، آئل اینڈ گیس ریگولیٹری اتھارٹی (اوگرا) کے پرائسنگ میکنزم کے تحت 28 ستمبر 2026 کے لیے پٹرولیم مصنوعات کی نئی ایکس ڈپو قیمتوں کا تعین کر دیا گیا ہے۔

نوٹیفکیشن کے مطابق پٹرول کی قیمت میں 2 روپے 2 پیسے فی لٹر اضافہ کیا گیا ہے، جس کے بعد پٹرول کی نئی قیمت 391 روپے 30 پیسے فی لٹر ہو گئی ہے۔ دوسری جانب عوام اور ترسیل کے شعبے کو تحفیف دیتے ہوئے ہائی سپیڈ ڈیزل کی قیمت میں 3 روپے 59 پیسے فی لٹر کمی کی گئی ہے، جس کے تحت ڈیزل کی نئی قیمت 408 روپے 53 پیسے فی لٹر مقرر کی گئی ہے۔ پٹرولیم ڈویژن کا کہنا ہے کہ قیمتوں میں یہ ترمیم عالمی مارکیٹ کے پلاٹس ریٹس، ایکسچینج ریٹ، پریمیم اور دیگر لاجسٹک اخراجات کو مدنظر رکھتے ہوئے کی گئی ہے۔