آبنائے ہرمز کی بندش، بحران سنگین ہونے لگا

امریکی صدر ڈونلڈ ٹرمپ کی جانب سے ایران کی بحری ناکہ بندی جاری رکھنے کے اعلان کے بعد عالمی منڈی میں خام تیل کی قیمتوں میں ساڑھے تین فیصد کا بڑا اضافہ ریکارڈ کیا گیا ہے۔ اس اضافے کے بعد برینٹ خام تیل کی قیمت 125 ڈالر فی بیرل کی سطح تک جا پہنچی ہے، جبکہ امریکی خام تیل (WTI) 109 ڈالر فی بیرل ہو گیا ہے۔ اسی طرح ابوظبی بینچ مارک ‘مربن’ کی قیمت میں بھی اضافہ دیکھا گیا جو اب 109.3 ڈالر فی بیرل پر ٹریڈ ہو رہا ہے۔ ماہرین کے مطابق امریکہ کی جانب سے ایرانی بندرگاہوں کا محاصرہ اور ایران کی جانب سے آبنائے ہرمز میں بحری نقل و حرکت کو کنٹرول کرنے کے باعث رسد کا بحران پیدا ہو رہا ہے، جس سے آنے والے دنوں میں قیمتیں مزید بڑھنے کا خدشہ ہے۔