غزہ میں جنگ بندی کی خلاف ورزیاں جاری، اسرائیلی فوج کے حملےمیں مزید 21فسلطینی شہید

اسرائیل کی جانب سے غزہ میں جنگ بندی کی خلاف ورزیوں کا سلسلہ جاری ہے۔آج اسرائیلی فوج کے وحشیانہ حملے میں بچوں سمیت مزید 21فلسطینی شہید ہوگئے۔

جنگ بندی کے دوسرے مرحلے کے آغاز کو ایک ماہ گزرنے کے باوجود غزہ میں حملے جاری ہیں۔عرب میڈیا کے مطابق  غزہ کی سول ڈیفنس ایجنسی نے بتایا ہے کہ اسرائیلی فضائی حملوں میں 21 افراد شہید  اور کم از کم 31 زخمی ہوئے۔

خان یونس میں بے گھر فلسطینیوں کے گھروں اور خیموں پر حملوں کے بعد 3 لاشیں اسپتال لائی گئیں۔ الشفا اسپتال کے ڈائریکٹر محمد ابو سلمیہ نے بیان میں کہا کہ اسپتال میں درجنوں زخمی بھی لائے گئے۔ ادویات اور طبی سامان کی شدید قلت کے باعث غزہ کے اسپتالوں میں صورتحال نہایت سنگین ہے۔