پاکستان میں پیٹرول اور ڈیزل کے ذخائر 23 سے 24 دن کیلئے موجود ہیں، وزارت خزانہ

وزیر خزانہ کی زیر صدارت پیٹرول پرائس مانیٹرنگ کمیٹی کے اجلاس میں بتایا گیا کہ ملک میں ڈیزل کے ذخائر 23 سے 24 دن کے لیے موجود ہیں جبکہ پیٹرول کی فراہمی بھی مستحکم ہے۔ خام تیل کا اسٹاک تقریباً 11 دن کے لیے دستیاب ہے۔

پیٹرولیم ڈویژن حکام نے اجلاس کو بریفنگ دیتے ہوئے کہا کہ اپریل کے لیے درآمدات کے انتظامات مکمل کر لیے گئے ہیں، ریفائنریز اپنی مکمل صلاحیت کے قریب کام کر رہی ہیں اور مزید کارگو راستے میں ہیں۔ عالمی منڈی میں قیمتیں غیر مستحکم ہیں اور پریمیئم بڑھ گیا ہے۔

اجلاس میں حکومت کی جانب سے سستے معاہدوں کے ذریعے تیل خریدنے کی حکمت عملی، فیول اسٹاک کا جائزہ، سپلائی کی مستحکمی اور شپنگ و انشورنس کے امور پر بھی غور کیا گیا۔