اسنوکر کے سابق عالمی چیمپئن گریم ڈوٹ کو 2 بچوں سے جنسی زیادتی کے جر م میں 7 سال قید کی سزا

اسکاٹ لینڈ سے تعلق رکھنے والے سابق عالمی اسنوکر چیمپئن 49 سالہ گریم ڈوٹ (Graeme Dott) کو دو بچوں کے ساتھ جنسی زیادتی کے سنگین جرم ثابت ہونے پر 7 سال قید کی سزا سنا دی گئی ہے۔ اسکاٹ لینڈ کی ایڈنبرا ہائی کورٹ کے جج لارڈ ہیروور نے مقدمے کا فیصلہ سناتے ہوئے گریم ڈوٹ کو قید کی سزا کا حکم سنایا۔ عالمی میڈیا اور عدالت میں موجود ذرائع کے مطابق، سزا کا حکم سنائے جانے کے وقت گریم ڈوٹ نے چہرے پر کسی قسم کے تاثرات یا ردعمل کا مظاہرہ نہیں کیا، جس کے بعد پولیس نے انہیں ہتھکڑیاں لگا کر بلا تاخیر جیل منتقل کر دیا۔

عدالتی و پولیس دستاویزات کے مطابق، گریم ڈوٹ پر الزام تھا کہ انہوں نے 1993ء سے 2010ء کے طویل عرصے کے دوران ایک لڑکے اور ایک لڑکی کو جنسی ہراسانی اور زیادتی کا نشانہ بنایا تھا۔ کورٹ نے ان کے عمل کو اعتماد کی شدید ترین خلاف ورزی قرار دیا۔ واضح رہے کہ گریم ڈوٹ نے 2006ء میں فائنل میں فتح حاصل کر کے ورلڈ اسنوکر چیمپئن شپ کا عالمی ٹائٹل اپنے نام کیا تھا، تاہم اس سزا کے بعد ان کا نام ہال آف فیم سے بھی خارج کر دیا گیا ہے۔