مشرق وسطیٰ تنازع سفارتی ذرائع سے طے کرناچاہتے ہیں، پاکستان

ترجمان دفتر خارجہ نے کہا ہے کہ پاکستان مشرقِ وسطیٰ کے تنازع کے حل کے لیے سفارتی ذرائع کے ذریعے آگے بڑھنے کے عزم پر قائم ہے۔

اسلام آباد سے جاری بیان میں ترجمان دفتر خارجہ کا کہنا تھا کہ پاکستان اپنی پالیسی کے تحت خلیجِ فارس میں جاری جنگ کے خاتمے کے لیے سفارت کاری اور روابط کے ذریعے آگے بڑھنے پر یقین رکھتاہے۔

اُنہوں نے کہا کہ سفارت کاری اور مذاکرات کے عمل میں بعض امور کو صوابدید اور خاموشی کے ساتھ آگے بڑھانا ضروری ہوتا ہے، ذرائع ابلاغ سے توقع کی جاتی ہے کہ وہ قیاس آرائیوں سے گریز کریں، فیصلوں اور نتائج سے متعلق سرکاری اعلانات کا انتظار کریں۔