آبنائے ہرمزکی بندش، خلاف ورزی پر بھارتی آئل ٹینکر پرفائرنگ، واپس جانے پرمجبور

ایران کی پاسداران انقلاب کی دو گن بوٹس نے آبنائے ہرمز کی بندش کی خلاف ورزی پرایک بھارتی آئل ٹینکر پر فائرنگ کی ہے۔

یوکے میری ٹائم ٹریڈ آپریشن کے مطابق فائرنگ کا یہ واقعہ آبنائے ہرمز عمان کے شمال مشرق میں تقریباً 20 ناٹیکل میل کے فاصلے پر پیش آیا۔ آئل ٹینکر اور عملہ محفوظ ہیں، کسی جانی نقصان کی اطلاع نہیں ملی۔

دوسری جانب شپنگ مانیٹرنگ گروپ ٹینکر ٹریکر نے دعویٰ کیا ہے کہ دو بحری جہازوں  کوایرانی گن بوٹس نے نشانہ بنای اورانہیں واپس جانے پر مجبورکیا۔۔ان میں سے ایک بھارتی پرچم بردار سپر ٹینکر بھی شامل تھا

رپورٹس کے مطابق ایک واقعے میں تقریباً بیس لاکھ بیرل عراقی تیل لے کرجانے والے بڑےتیل بردار جہازپر وارننگ کے طور پر فائرنگ بھی کی گئی۔

برطانوی نیوز ایجنسی رائٹرز نے بھی شپنگ ذرائع کے حوالے سے رپورٹ کیا ہے کہ کم از کم دو تجارتی جہازوں نے بھی تصدیق کی کہ آبنائے ہرمز عبور کرنے کی کوشش کے دوران ان پر فائرنگ کی گئی۔

اس کے علاوہ آبنائے ہرمز میں کچھ جہازوں کو ریڈیو پیغامات بھی موصول ہوئے جن میں کہا گیا کہ آبنائے ہرمز کو عارضی طور پر بند کر دیا گیا ہے اور اب کسی بھی جہاز کو گزرنے کی اجازت نہیں ہے۔

پاسدارانِ انقلاب نے کہا کہ اگر امریکا کی جانب سے آبنائے ہرمز کی ناکہ بندی جاری رہتی ہے تو اس راستے کو کالعدم تصور کیا جائے گا۔