ڈیزل کا 25روزہ، پیٹرول کا وافراسٹاک ہے، وزیرخزانہ کی زیرصدارت اجلاس میں بریفنگ

وزیر خزانہ محمد اورنگزیب کی زیر صدارت پیٹرولیم قیمتوں کی مانیٹرنگ کمیٹی کا اہم اجلاس ہوا،،،​ملک میں پیٹرولیم مصنوعات کی فراہمی اور اسٹاک کی صورتحال کا تفصیلی جائزہ لیا گیا۔

اجلاس کو بریفنگ میں بتایا گیا کہ ​ ملک میں ڈیزل کا 25 روز کااور پیٹرول کا وافر اسٹاک موجود ہے،وزیر خزانہ   نےذخیرہ اندوزی اور مارکیٹ میں مصنوعی قلت پیدا کرنے والوں کے خلاف سخت کارروائی کی ہدایت کردی۔

اجلاس میں ​اوگراکے ڈیجیٹل ڈیش بورڈ کے ذریعے اسٹاکس کی ریئل ٹائم مانیٹرنگ کا فیصلہ کرلیا گیا،​پیٹرول پمپس سے ڈیٹا رپورٹنگ کی شرح کم ہونے پر تشویش ظاہرکی گئی اور سسٹم کو فوری فعال کرنے کا حکم دیا گیا

​اسلام آباد میں پی ایس او کے پمپوں پر ڈیٹا انٹری اور شفافیت کے لیے مشترکہ ٹیمیں تعینات کرنے کا فیصلہ ہوا۔​اجلاس کے دوعران گیس کی فراہمی اور مقامی و بجلی کے شعبوں کے لیے مختص کوٹے کا بھی جائزہ لیا گیا۔