9ماہ میں 610 ارب روپے کا ٹیکس خسارہ ، ایف بی آر ہدف حاصل کرنے میں ناکام
Web Desk
1 April 2026
وفاقی حکومت مالی سال 2025-26 کے ابتدائی نو ماہ میں ٹیکس وصولیوں کا مقررہ ہدف حاصل کرنے میں ناکام رہی، جس کے باعث فیڈرل بورڈ آف ریونیو کو 610 ارب روپے کے بڑے خسارے کا سامنا کرنا پڑا ہے۔
دستاویزات کے مطابق جولائی سے مارچ تک محصولات کی مجموعی وصولی تقریباً 9.3 کھرب روپے رہی، جو عالمی مالیاتی ادارے کی جانب سے مقرر کردہ ہدف سے خاصی کم ہے۔
اعداد و شمار کے مطابق اس عرصے میں محصولات میں صرف 10 فیصد اضافہ ہوا، جو سالانہ ہدف کے حصول کے لیے درکار رفتار کا تقریباً نصف ہے۔
حکام کا کہنا ہے کہ مشرق وسطیٰ میں جاری کشیدگی اور درآمدات میں رکاوٹوں نے بھی محصولات پر منفی اثر ڈالا، صرف مارچ میں تقریباً 100 ارب روپے کا نقصان ریکارڈ کیا گیا۔
ایران کی جانب سے آبنائے ہرمز کی بندش کے باعث درآمدات متاثر ہوئیں، جس سے 65 ارب روپے کی کمی واقع ہوئی، جبکہ گیس کی فراہمی میں تعطل کے باعث کھاد کے کارخانوں سے 35 ارب روپے کم ٹیکس وصول ہوا۔
عالمی مالیاتی ادارے نے سالانہ ہدف 13.98 کھرب روپے برقرار رکھا ہے جبکہ اس میں کسی قسم کی نرمی سے انکار کردیا گیا ہے، جس کے باعث ہدف کا حصول مشکل دکھائی دیتا ہے۔
وزیر خزانہ محمد اورنگزیب نے یقین دہانی کرائی ہے کہ محصولات میں بہتری کے لیے اصلاحات کا عمل جاری رکھا جائے گا۔
مارچ میں بھی مقررہ ہدف حاصل نہ ہوسکا اور 1.37 کھرب روپے کے مقابلے میں 1.182 کھرب روپے جمع کیے گئے، جو 185 ارب روپے کی کمی ظاہر کرتا ہے۔
متعلقہ عنوانات
کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ
19 November 2026
کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ
19 November 2026
پٹرول ایک روپیہ فی لٹر مہنگا، ڈیزل کی قیمت برقرار
19 November 2026
زرمبادلہ کے ذخائر میں 1.50 کروڑ ڈالر کا اضافہ ریکارڈ
19 November 2026
ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم
19 November 2026
صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا
19 November 2026
بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان
19 November 2026
حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ
19 November 2026