انکم ٹیکس گوشوارے جمع کرانے کا آج آخری روز، عدم ادائیگی پر بھاری جرمانوں کا فیصلہ

سالانہ انکم ٹیکس گوشوارے جمع کرانے کی آج آخری تاریخ ہے، جس کے بعد یکم اکتوبر سے بلا تاخیر گوشوارے جمع نہ کروانے والے افراد پر بھاری جرمانوں اور سخت اقدامات کا اطلاق ہوگا۔ فیڈرل بورڈ آف ریونیو (ایف بی آر) کے ذرائع کے مطابق، یکم اکتوبر سے ‘لیٹ فائلر’ کی کیٹگری مکمل طور پر ختم کر دی جائے گی اور ایسے تمام افراد کو براہِ راست ‘نان فائلر’ کی فہرست میں شامل کر دیا جائے گا۔

ایف بی آر حکام کے مطابق، نان فائلرز کی فہرست میں شامل ہونے کے بعد نہ صرف انکم ٹیکس گوشواروں کی جمع آوری پر کئی گنا زیادہ جرمان عائد کیا جائے گا بلکہ یکم اکتوبر سے تاخیر کی صورت میں معمول کے اضافی چارجز کے بجائے نان فائلر کا بھاری جرمانہ لاگو ہوگا۔ ایف بی آر نے تمام ٹیکس دہندگان اور شہریوں پر زور دیا ہے کہ وہ جرمانوں اور نان فائلرز پر عائد ہونے والی دیگر قانونی و مالیاتی پابندیوں سے بچنے کے لیے آج ہی اپنے انکم ٹیکس گوشوارے لازمی جمع کرائیں۔