پی ٹی آئی نے کئی بار فورس بنائی، بانی کے بیٹے نے پاکستان مخالف باتیں کیں: گورنر خیبرپختونخوا
Web Desk
28 March 2026
پشاور: گورنر خیبرپختونخوا فیصل کریم کنڈی نے پاکستان تحریکِ انصاف (پی ٹی آئی) کی قیادت اور صوبائی حکومت کو آڑے ہاتھوں لیتے ہوئے کہا ہے کہ جس ریاست نے انہیں نام اور پہچان دی، آج وہی اسے “قاتل ریاست” کہہ رہے ہیں۔ پشاور میں میڈیا سے گفتگو کرتے ہوئے انہوں نے سوال اٹھایا کہ پی ٹی آئی نے بارہا جو “فورسز” بنائیں، ان کا اصل مقصد کیا تھا؟ انہوں نے بانی پی ٹی آئی کے بیٹوں کی جانب سے پاکستان مخالف بیانات پر بھی گہری تشویش کا اظہار کیا۔
گورنر نے اسلام آباد کی طرف ممکنہ احتجاجی مارچ کے حوالے سے سخت انتباہ جاری کرتے ہوئے کہا کہ “اس بار اسلام آباد کی طرف چڑھائی کی تو انہیں لگ پتا جائے گا، یہ لوگ صوابی سے آگے جا کر تو دکھائیں”۔ ان کا کہنا تھا کہ آج پوری دنیا کی نظریں پاکستان پر ہیں اور انٹرنیشنل میڈیا میں ملک کا نام گونج رہا ہے، جو کہ فیلڈ مارشل کی محنت کا نتیجہ ہے۔ انہوں نے مزید کہا کہ آج سپر پاورز کی توجہ بھی پاکستان پر مرکوز ہے۔
فیصل کریم کنڈی نے وزیراعلیٰ اور صوبائی کابینہ پر طنز کرتے ہوئے کہا کہ کابینہ میں آپسی لڑائیاں ہو رہی ہیں اور وزیراعلیٰ “ایزی لوڈ” پر آ جاتے ہیں۔ انہوں نے بلدیاتی نمائندوں کی حالتِ زار کا ذکر کرتے ہوئے کہا کہ ان لوگوں نے چار سال تک نمائندوں کو سڑکوں پر رول دیا، نہ فنڈز دیے اور نہ ہی ناظمین کی تنخواہیں ادا کیں۔ گورنر نے پٹرول کی بچت اور کفایت شعاری کے حوالے سے حکومتی دعووں پر بھی سوالات اٹھائے اور ماضی کے وزرائے اعلیٰ کے بھائیوں کے قصوں کا حوالہ دیتے ہوئے موجودہ طرزِ حکمرانی کو تنقید کا نشانہ بنایا۔
متعلقہ عنوانات
کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ
19 November 2026
کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ
19 November 2026
پٹرول ایک روپیہ فی لٹر مہنگا، ڈیزل کی قیمت برقرار
19 November 2026
زرمبادلہ کے ذخائر میں 1.50 کروڑ ڈالر کا اضافہ ریکارڈ
19 November 2026
ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم
19 November 2026
صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا
19 November 2026
بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان
19 November 2026
حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ
19 November 2026