ایران کی توانائی تنصیبات کو نشانہ بنانا ناقابل قبول ہے، صدر یورپی کونسل

یورپی کونسل کے صدرانتونیو کوسٹا کا کہنا ہے کہ ایران میں شہری اہداف پر حملے غیر قانونی ہیں، تنازع کا حل صرف سفارت کاری کے ذریعے ممکن ہے۔

انتونیو کوسٹا نے سوشل میڈیاپر پیغام میں لکھاکہ شہری انفراسٹرکچر، خصوصاً توانائی کی تنصیبات کو نشانہ بنانا غیر قانونی اور ناقابلِ قبول ہے۔

ان کا یہ بیان اس وقت سامنے آیا ہے جب امریکی صدر ڈونلڈ ٹرمپ نے دھمکی دی کہ اگر ایران آبنائے ہرمز دوبارہ نہیں کھولتا تو وہ ایرانی انفراسٹرکچر کو تباہ کر دیں گے۔

واضح رہے کہ بین الاقوامی فوجداری عدالت کے بانی چیف پروسیکیوٹر لوئس مورینو اوکامپو کا یہ بیان بھی سامنے آچکاہے کہ ایران کے خلاف جنگ بین الاقوامی قانون کے تحت جارحیت کے جرم کے زمرے میں آتی ہے۔