جامع معاہدہ ہوگیاتوایران پر عائد پابندیاں بتدریج نرم کی جاسکتی ہیں، یورپی یونین

یورپی یونین نے عندیہ دیا ہے کہ اگر ایران کے ساتھ کوئی جامع معاہدہ طے پا جاتا ہے تو وہ ایران پر عائد پابندیاں بتدریج نرم کرنے پر آمادہ ہو سکتی ہے۔

برطانوی خبر رساں ادارے کے مطابق جرمن چانسلر فریڈرک مرز نے یورپی رہنماؤں کو بتایا کہ ایران کے ساتھ معاہدے کی صورت میں پابندیاں کم کرنا اُس عمل کو آگے بڑھانے میں یورپی یونین کا ممکنہ کردار ہو سکتا ہے، جس سے بالآخر مستقل جنگ بندی کی راہ ہموار ہو سکے۔

یہ بات ایسے وقت سامنے آئی ہے جب یورپی یونین کے رہنما قبرص میں مصر، شام اور لبنان کے اپنے ہم منصبوں کے ساتھ ایک سربراہی اجلاس منعقد کر رہے ہیں۔

ادھرفرانسیسی خبر رساں ادارے کے مطابق یورپی کونسل کے صدر انتونیو کوسٹا نے کہا ہے کہ آبنائے ہرمز کو فوری طور پر، بغیر کسی پابندی اور بغیر کسی محصول کے دوبارہ کھولا جانا چاہیے‘ کیونکہ یہ پوری دنیا کے لیے نہایت اہم ہے۔