ایپسٹین فائلز میں نریندر مودی کا نام، بھارتی سیاست میں ہلچل

نئی دہلی: بدنام زمانہ جنسی مجرم جیفری ایپسٹین کے فائلز میں بھارتی وزیرِ اعظم نریندر مودی کا نام سامنے آنے پر بھارتی سیاست میں شدید ہلچل مچ گئی ہے۔

ایپسٹین فائلز میں مودی کے نام کے منظر عام پر آنے کے بعد بھارتی پارلیمنٹ میں بھی کہرام مچ گیا۔ اپوزیشن جماعتوں نے معاملے پر بھارتی حکومت سے دو ٹوک جواب طلب کر لیا ہے۔عام آدمی پارٹی کے رہنما سنجے سنگھ نے کہا کہ بھارتی وزیرِ اعظم پر لگنے والے الزامات کا جواب دینا حکومت کی ذمہ داری ہے۔ کانگریس کی رہنما پرینکا گاندھی نے بھی ایپسٹین سے مودی کے تعلقات پر سخت سوالات اٹھائے۔کانگریسی رہنما پوان کھیرہ نے سوال کیا کہ بدنام زمانہ جنسی مجرم سے بھارتی وزیراعظم کا رابطہ کس مقصد کے لیے تھا اور اس کے پیچھے کیا وجوہات ہیں۔اس معاملے نے بھارت کی سیاسی فضاء میں شدید بحث کو جنم دیا ہے، اور حکومت سے توقع کی جا رہی ہے کہ وہ واضح اور شفاف جواب فراہم کرے۔