شی جن پنگ عظیم رہنما، چین نے انکی قیادت میں شاندار کامیابیاں حاصل کیں: ایلون مسلک

عالمی معروف ٹیکنالوجی کمپنی ‘ٹیسلا’ کے چیف ایگزیکٹو آفیسر (سی ای او) ایلون مسک نے چینی صدر شی جن پنگ کی قیادت کی تعریف کرتے ہوئے انہیں ایک عظیم اور غیر معمولی صلاحیتوں کا حامل رہنما قرار دیا ہے۔ چائنا میڈیا گروپ (CMG) کو دیے گئے ایک خصوصی انٹرویو میں ایلون مسک نے کہا کہ صدر شی کی دور اندیش قيادت میں چین نے معاشی اور صنعتی میدان میں حیران کن کامیابیاں حاصل کی ہیں، اور ہر گزرتے سال کے ساتھ چینی عوام کے معیارِ زندگی میں نمایاں بہتری دیکھنے کو ملی ہے۔

انٹرویو کے دوران ایلون مسک نے چین میں ٹیسلا کے کاروبار کا ذکر کرتے ہوئے شنگھائی سپر فیکٹری کی اعلیٰ پیداواری کارکردگی اور چینی ٹیم کی محنت کی تعریف کی۔ انہوں نے کہا کہ چین کے پاس دنیا کی سب سے مضبوط مینوفیکچرنگ بنیاد موجود ہے۔ اس کے علاوہ مسک نے چین کے مصنوعی ذہانت (AI) کے ماڈلز کو عالمی سطح پر بہترین قرار دیا اور انسان نما روبوٹس (Humanoid Robots) کا ذکر کرتے ہوئے کہا کہ چین اور امریکہ اس شعبے میں مل کر دنیا کی رہنمائی کر سکتے ہیں۔ ان کا کہنا تھا کہ مستقبل میں ہر فرد اپنے ذاتی ڈیجیٹل ایجنٹس اور جسمانی روبوٹس کا کنٹرول سنبھال سکے گا۔