ایلیٹ سینٹر میں 2 اے ایس آئی دوران دوڑ جاں بحق ، ایک اہلکار ہسپتال منتقل

بیدیاں روڈ پر واقع ایلیٹ ٹریننگ سینٹر میں شدید گرمی اور حبس کے دوران 4 کلومیٹر ریس کے تدریسی مرحلے میں 2 اسسٹنٹ سب انسپکٹرز (اے ایس آئی) جاں بحق ہو گئے جبکہ ایک اہلکار کی طبیعت بگڑنے پر اسے ہسپتال منتقل کر دیا گیا۔ پولیس ذرائع کے مطابق راولپنڈی پٹرولنگ پولیس سے تعلق رکھنے والے اے ایس آئی سید تصور شاہ شدید گرمی اور حبس برداشت نہ کرتے ہوئے موقع پر ہی دم توڑ گئے، جبکہ سرگودھا ریجن کے اے ایس آئی محمد ارشد ولد محمد شفیع کو طبیعت خراب ہونے پر فوری طور پر ہسپتال منتقل کیا گیا جہاں وہ بھی جان کی بازی ہار گئے۔ پولیس حکام کے مطابق لاشوں کو مردہ خانے منتقل کر دیا گیا ہے اور واقعے کی مزید تفصیلات جمع کی جا رہی ہیں