اسٹامپ پیپر اور ای اسٹامپ فیسوں میں نمایاں اضافہ

حکومت کے حالیہ فیصلے کے بعد اسٹامپ پیپرز کی فیسوں میں نمایاں اضافہ کر دیا گیا ہے، جس سے روزمرہ قانونی امور کے لیے آنے والے سائلین کو شدید مشکلات کا سامنا ہے۔ کم سے کم ای اسٹامپ پیپر کی قیمت 100 روپے سے بڑھا کر 300 روپے مقرر کر دی گئی ہے۔

تفصیلات کے مطابق طلاق کے لیے درکار اسٹامپ پیپر اب 100 روپے کے بجائے 1000 روپے میں دستیاب ہوگا، جبکہ بچوں کے اسکول داخلوں اور ملازمت کے لیے ڈومیسائل اسٹامپ پیپر فیس 500 روپے کر دی گئی ہے۔

اسی طرح بجلی، گیس اور پانی کے نئے کنکشن کے لیے اسٹامپ فیس 100 روپے سے بڑھا کر 1000 روپے مقرر کی گئی ہے۔ پراپرٹی سیلز ایگریمنٹ ای اسٹامپ کی قیمت بھی 1200 روپے سے بڑھا کر 3 ہزار روپے کر دی گئی ہے۔

پراپرٹی کے علاوہ دیگر معاہدوں کے لیے استعمال ہونے والے ای اسٹامپ پیپر کی فیس بھی اب 500 روپے وصول کی جائے گی، جس پر وکلا اور عوامی حلقوں نے تحفظات کا اظہار کیا ہے۔