ایران کے خلاف بڑا آپریشن شروع کر دیا، کئی دن جاری رہ سکتا ہے: ٹرمپ

امریکی صدر ڈونلڈ ٹرمپ نے ایران کے خلاف ایک بڑے فوجی آپریشن کے آغاز کی تصدیق کر دی ہے۔ وائٹ ہاؤس سے جاری بیان میں صدر ٹرمپ نے کہا کہ اس حملے کا مقصد امریکی عوام کا تحفظ اور ایرانی رجیم سے لاحق ایٹمی خطرات کو ہمیشہ کے لیے ختم کرنا ہے۔ انہوں نے خبردار کیا کہ ایران کو کبھی بھی جوہری ہتھیار حاصل کرنے کی اجازت نہیں دی جائے گی۔ ٹرمپ نے ایرانی پاسدارانِ انقلاب (IRGC) کو ہتھیار ڈالنے کی پیشکش کرتے ہوئے کہا کہ امریکی اور اسرائیلی مشترکہ آپریشن کئی روز تک جاری رہ سکتا ہے تاکہ ایران کے میزائل پروگرام اور بحریہ کو مکمل مفلوج کیا جا سکے۔