آج ہمیں اتحاد کی سب سے زیادہ ضرورت ہے: وزیر اعلیٰ سندھ مراد علی شاہ
Web Desk
23 March 2026
کراچی: وزیراعلیٰ سندھ سید مراد علی شاہ نے یومِ پاکستان کے موقع پر مزارِ قائد پر حاضری کے بعد میڈیا سے گفتگو کرتے ہوئے کہا ہے کہ خطے کی موجودہ تشویشناک صورتحال کے پیشِ نظر پوری قوم کو پاکستان کے ساتھ کھڑا ہونا ہو گا، کیونکہ آج ہمیں اتحاد کی سب سے زیادہ ضرورت ہے۔ انہوں نے مسلم ممالک پر زور دیا کہ وہ جنگی ماحول کو جلد از جلد ختم کرنے کے لیے اپنا کردار ادا کریں۔
وزیراعلیٰ سندھ نے دہشت گردی کے خلاف جاری مہم کا ذکر کرتے ہوئے کہا کہ فیلڈ مارشل کی قیادت میں پاک فوج ملک دشمن عناصر کے خلاف برسرِ پیکار ہے اور ملک کی دفاعی صلاحیتوں کو مضبوط بنا رہی ہے۔ انہوں نے ذوالفقار علی بھٹو کے ایٹمی پروگرام کو خراجِ تحسین پیش کرتے ہوئے کہا کہ اسی طاقت کی بدولت آج دشمن ہمیں میلی آنکھ سے نہیں دیکھ سکتا۔ مراد علی شاہ نے سندھ اسمبلی کی تاریخی حیثیت کو اجاگر کرتے ہوئے یاد دلایا کہ صوبہ سندھ نے ہی سب سے پہلے قراردادِ پاکستان پاس کر کے قیامِ پاکستان کی بنیاد رکھی تھی۔
مراد علی شاہ کا مزید کہنا تھا کہ صدر آصف علی زرداری اور بلاول بھٹو زرداری کی قیادت میں پیپلز پارٹی قائدِ اعظم کے خوابوں کی تعبیر کے لیے جدوجہد جاری رکھے ہوئے ہے۔ انہوں نے نوجوان نسل کو بانیِ پاکستان کے نظریات سے روشناس کرانے کو وقت کی اہم ضرورت قرار دیا اور کہا کہ سندھ حکومت عوامی فلاح و بہبود اور ملک کو معاشی و سماجی طور پر مستحکم بنانے کے لیے پُرعزم ہے۔ سیاسی معاملات پر بات کرتے ہوئے انہوں نے کہا کہ وزیراعظم سے ملاقات کے دوران وہ تمام تحفظات اور سیاسی نکات ضرور سامنے رکھیں گے۔
متعلقہ عنوانات
این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار
19 November 2026
کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ
19 November 2026
کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ
19 November 2026
پٹرول ایک روپیہ فی لٹر مہنگا، ڈیزل کی قیمت برقرار
19 November 2026
زرمبادلہ کے ذخائر میں 1.50 کروڑ ڈالر کا اضافہ ریکارڈ
19 November 2026
بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان
19 November 2026
حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ
19 November 2026
سابق وفاقی وزیر چوہدری لیاقت عباس گھر میں مردہ حالت میں پائے گئے، موت مشکوک قرار
19 November 2026