وزیراعلیٰ کے پی کو پنجاب اسمبلی میں داخلے کی اجازت، سکیورٹی فراہم

وزیرِاعلیٰ خیبرپختونخوا سہیل آفریدی کو پنجاب اسمبلی میں داخلے کی باضابطہ اجازت دے دی گئی اور انہیں مکمل سکیورٹی فراہم کی گئی ہے۔ ذرائع کے مطابق سہیل آفریدی کے ہمراہ صوبائی وزرا، کابینہ ارکان، سینیٹرز، ایم این ایز اور اراکین اسمبلی بھی موجود ہیں۔

وفد کی مکمل فہرست اسمبلی سیکیورٹی کو فراہم کر دی گئی ہے۔ سہیل آفریدی پنجاب اسمبلی میں اپوزیشن ارکان سے ملاقات اور خطاب کریں گے۔ قبل ازیں وہ قافلے کی شکل میں لاہور کے لیے روانہ ہوئے، جس میں ڈپٹی اسپیکر کے پی اور دیگر ارکان شامل ہیں۔

ذرائع نے بتایا کہ لاہور میں سہیل آفریدی سیاسی اور دیگر سرگرمیوں میں حصہ لیں گے، پارٹی رہنماؤں اور اسیر رہنماؤں کے گھروں کا دورہ کریں گے اور ممکنہ طور پر لاہور ہائی کورٹ میں منعقدہ تقریب اور زمان پارک بھی جائیں گے