چین کی امریکی تحویل میں لیے گئے ایرانی جہازپرچینی تحفے کی موجودگی کی تردید

چین  نے امریکی صدر ڈونلڈ ٹرمپ کے اس دعوے کو مسترد کر دیا ہے جس  میں انہوں نےکہا تھا کہ امریکی افواج کی جانب  سے روکےگئے ایرانی جہاز پر ممکنہ طور پر چین کی طرف سےکوئی تحفہ موجود تھا۔

چین کی وزارت خارجہ کے ترجمان نے بیجنگ میں صحافیوں سے گفتگو کرتے ہوئے کہا کہ چین اپنا مؤقف ایک سے زیادہ مرتبہ واضح کر چکا ہے۔ ایک ذمہ دار بڑی طاقت ہونے کی حیثیت سے چین ہمیشہ اپنی بین الاقوامی ذمہ داریوں کو پورا کرنے میں ایک مثال رہا ہے۔

گزشتہ روز  امریکی صدر ڈونلڈ ٹرمپ نے کہا تھا کہ ہم نے ایک جہاز پکڑا ہے جس میں کچھ چیزیں ہیں جو بہت اچھی نہیں ہیں، وہ چیزیں چین کی طرف سے تحفہ ہیں۔امریکی سینٹرل کمانڈ نے تصدیق کی ہےکہ یہ جہاز اب بھی امریکی تحویل میں ہے۔