آبنائے ہرمز کھلوانے کےلیے ہرممکن کوشش کریں گے، جنگ بندی مستقل ہونی چاہیے،برطانوی وزیراعظم

برطانوی وزیراعظم کیئراسٹارمرنے کہاہےکہ وہ ایران کی جنگ کے عوام پر پڑنے والے اثرات کم کرنے اور آبنائے ہرمزدوبارہ کھلوانےکےلیے ہرممکن کوشش کریں گے۔

پیرس میں فرانسیسی صدرایمانوئل میکرون سے ملاقات اورآبنائے ہرمز کی صورتحال پر40ممالک کے ورچوئل اجلاس سے قبل برطانوی وزیراعظم نے میڈیاسے گفتگوکی۔ ان کاکہناتھاکہ جنگ بندی مستقل ہونی چاہیے، ایک معاہدہ ہونا چاہیے، اور آبنائے ہرمز کھلی ہونی چاہیے۔یہ ہم سب کے مفاد میں ہے، کیونکہ ایران کی جنگ میں جو کچھ ہو رہا ہے وہ ہر ایک معیشت کو متاثر کر رہا ہے۔ اس صورتحال سے نمٹنے کےلیے اتحاد ضروری ہے ۔

برطانوی وزیر اعظم نے کہا کہ سب پر یہ بات واضح ہے کہ اس کے لیے ہمیں سفارتی اور سیاسی پہلو کی ضرورت ہے، ہمیں لاجسٹک اور معاشی پہلو درکار ہے اور ہمیں کچھ فوجی منصوبہ بندی بھی چاہیے۔